ბლოგის შესახებ

არსებობს ასეთი პროგრამა: “Support of active citizenship and involvement of
youth in public life in Georgia” რომლის ფარგლებში ეს ბლოგი გაკეთდა და მასში ქუთაისიდან და ბათუმიდან ოცამდე “ბლოგერი” მონაწილეობს. დონორები შემდეგი ორგანიზაციები არიან: TOL, CIVITAS GEORGIA, AGORA, PIN. 20 თვიანი პროგრამის ერთი ეტაპი უკვე დასრულდა. მეორე ეტაპზე ყველაზე კარგ ბლოგერს ციფრულ ვიდეო კამერას აჩუქებენ, საბოლოოდ კი 2012 წლის აგვისტოში, ორი საუკეთესო შედეგის მქონე ბლოგის ავტორი ერთი კვირით ჩეხეთში, ქალაქ პრაღაში ციფრული ჟურნალისტიკის კურსის გასავლელად გაემგზავრება. ერთი კვირა დიდი ვერაფერია, მაგრამ რატომაც არა?!
რეიტინგში გათვალისწინებული სხვადასხვა კრიტერიუმების გარდა ძალიან დიდი მნიშვნელობა ენიჭება ვიზიტორების და კომენტარების რაოდენობას, ასევე თანამოაზრე ბლოგერების მოძიებას და მათთან კომუნიკაციის დამყარებას.

მოკლედ, ეს ყველაფერი იმისთვის მოვყევი, რომ გითხრათ: ვისაც ეს ბლოგი წაგიკითხავთ და რაღაცები მოგწონთ, მხარი დამიჭირეთ პროგრამაში გასამარჯვებად. ამ პოსტის ბოლოს დევს ბანერი, რომელიც შეგიძლიათ თქვენს ბლოგზე განათავსოთ. თუ ჩემს მხარდაჭერას გადაწყვეტთ აქ დააკომენტარეთ  მხარდამჭერ  ბლოგერებში რომ ჩაგვსვათ.

საიდან ვჩნდები ამ ტექსტში მე? თქვენი ინტერესი მაძლევს არსებობის საშუალებას.
აქ არ დავიწყებ, იმის წერას, კარტოფილი მიყვარს, თუ პიცა, სექსი ხშირად მაქვს, თუ შიგადაშიგ, რა აღმაგზნებს და რა მაცოფებს, იესო მოერევა, თუ ანტიქრისტე და სხვა ათასი სისულელე. უბრალოდ იმის თქმა მინდა, რომ სხვისგან არაფრით გამორჩეული ჰუმანისტი ვარ, ვისი ოცნებაც სამოქალაქო საზოგადოების არსებობაზე დიდი ხანია ოცნებადვე რჩება.

დააკლიკე სასურველი ზომის ფოტოს, აიღე დააკოპირე URL და ჩასვი შენს ბლოგზე image ვიდჯეტში.