რადარამი

დაწერე ამ პრეზენტაციაზე, მეუბნება მათე და წიგნსაც არ მჩუქნის. ეს გაქნილი გაიძვერა.
ბოლოს თბილისში რომელიღაც მეტროსთან ვნახე. ლუდს ვწრუპავდით. ვეღარ ვწერ, განათლების პრობლემა მაქვს, ამოვიკნავლე მე. ამბობს, რომ მასაც იგივე ჭირს.
მეცინება. სად ჩემი და სად ამის პრობლემა. შეიძლება მე გაცილებით მეტი მხატვრული ტექსტი მქონდეს წაკითხული, მაგრამ ის უფრო მოქნილია, უფრო ჭკვიანი. ისაა რაც, მჭირდება. აქ არაფერი, მაგრამ ევროპული განათლება მიღებულ ტიპებთან ვერ გავქაჩავ – დააყოლა.

1352190948 Continue reading

Posted in საზოგადოება | Tagged , , , , , , , , | Leave a comment

უძილობის მიზეზის ფსიქო-სოციალურ-ქსელური ახსნა


უნდა დაწვე რომ დაგეძინოს.


Posted in საზოგადოება | Tagged , , , , | 1 Comment

მიმართვა დაქირავებულ მუშებს (ვადიმ ლუნგული)

                                 თარგმანი რუსულიდან – გ.ხასაია   გ.წურწუმია

 

ჩვენი ცხოვრება არაფრად არ ღირს
და ყოველდღიურად ჩვენი მდგომარეობა უარესდება
ზოგიერთი ჩვენგანი ცდილობს სხვის ხარჯზე წარმატებას მიაღწიოს
მაგრამ ეს ყველას როდი გამოსდის.
ვინმე ამჩნევს, როგორ ცხოვრობენ ადამიანები
რომლებსაც ჩვენზე მეტად უჭირთ?
არადა ძალიან მალე შეიძლება
ჩვენ იმავე მდგომარეობაში აღმოვჩნდეთ Continue reading

Posted in თარგმანები | Tagged , , , , , , , , , , , , , , , , , , | Leave a comment

წერის შეუძლებლობა

ბავშვობაში ძაღლი მყავდა, ჩვეულებრივი ეზოს ძაღლი, უკუდო დაიბადა. ერთ დღეს ქუჩაში სამარშუტო ტაქსმა ფეხზე გადაუარა. 1 კვირა გავიდა და მან მაინც ვერ გაიარა. მერე სკოლაში ყოფნის დროს ჩემებს მანქანაში ჩაუსვამთ და ქალაქგარეთ დაუტოვებიათ. გავიდა რამდენიმე დღე და ის დაბრუნდა. არვიცი როგორ, მაგრამ ძაღლები აგნებენ საკუთარ ბინას. დაბრუნდა, თუმცა ავადმყოფი. მეორე დღეს – საღამოს პირიდან დორბლი მოდიოდა და ეცემოდა. ადგებოდა 30 წამით და ისევ ეცემოდა. მახსოვს როგორ შევედი სახლში, მივედი ხატებთან, სანთელი ავანთე და ლოცვა დავიწყე. ლოცვა არც მაშინ ვიცოდი კარგად. თან ვტიროდი, თან ღმერთს ვთხოვდი რომ ძაღლი არ წაერთმია. იმ ღამით მოკვდა, დილით მითხრეს მდინარეში გადავაგდეთო. ამის შემდეგ ჩემი ლოცვა აღარასდროს ყოფილა ასეთი გულწრფელი, ასეთი უშუალო.

*

დღეს ერთი მიყვებოდა, რომ რამდენიმე წლის წინ, როცა ქუთაისში ხარების ეკლესიის კათოლიკებისთვის დაბრუნების საკითხი დაისვა, (იმ პერიოდში სასამართლო პროცესიც მიმდინარეობდა) მეუფე კალისტრატეს საყდრის ეზოში პერფორმანსი გაუკეთებია. ტანზე ჯაჭვებშემოხვეული იდგა და ბოლო ხმაზე ყვიროდა, ამ ეკლესიას არ დავთმობ! ამას არ დავთმობ! ჩემი მოკვლა მოგიწევთ დემონის მსახურებო! მეუფე კალისტრატე ლექსებსაც წერს და მისი აზრით მიხეილ სააკაშვილი მეორე აღმაშენებელია. რა საყვარელია არა?!

*

შობას სოფელში წავედი და რამდენიმე დღე დავრჩი. ერთ დილით მეზობლის ტირილმა გამაღვიძა. მგელს ძროხა ბოსლის წინ დაეკლა. თითქმის აღარაფერი იყო მისგან დარჩენილი. ვგულისხმობ ძროხასაც და მის პატრონსაც. იდგა ეს მარტოხელა ქალი და ტიროდა. ქმარი გარდაცვლილი ჰყავს, შვილები ქალაქში ცხოვრობენ. „რა მეშველება უშენოდ „მინდორა“, აწი როგორ ვიცხოვრო გოგოოო“?! რთულია სოფლის ცხოვრება. წლის დასაწყისიდან ბოლომდე ყანას და ვენახს უნდა ელოლიავო, გვალვების უნდა გეშინოდეს და წვიმებისთვის უნდა ლოცულობდე. კრუხს წიწილები უნდა დააჩეკინო, ძროხა დღეში ორჯერ გადააბა, წყალი დაალევინო და სხვა. მერე წიწილს ქორი იტაცებს, ძროხას მგელი ჭამს და ასე ყოველ წელს, მცირედი შესწორებებით იგივე ხდება. ბევრი ალბათ ახლობელს არ დაიტირებდა ისე, როგორც ვენერა ტიროდა თავის მამა-მარჩენალ ძროხას. ან იქნებ ვცდები?! რას გაიგებ…

*

ხდება შემდეგნაირი რაღაც. ინვესტორი მიდის კერძო დასახლებაში და მათ თავაზობს ამ ადგილზე კორპუსის აშენებას. მოსახლეობა ეთანხმება. დაანგრიეს სახლები. დაიწყეს საძირკვლის კეთება. ნახევარი სართული ამოიყვანეს. მერე ეს ჰამერიანი ინვესტორი ორჯერ დაიჭირეს,რამდენიმე ასი ათასი ლარი გადაახდევინეს და საპროცესო შეთანხმებით გამოუშვეს . (უყვარს ხელისუფალს ბიზნეს სექტორი. ორგაზმს განიცდის) და ამ კეთილმა კაცმა ბინის აშენება დაიკიდა. ახლა რამდენიმე ოჯახი სახლის გარეშეა დარჩენილი და ნაქირავებში ცხოვრობს, ხოლო ერთი მათგანი ფარეხის მაგვარ ორ ოთხში, ეტლიანი ბავშვით. უყვარს ხელისუფალს დაპირებები! ამ ოჯახის განცხადებას დახმარების შესახებ ოფიციალურად არ უპასუხეს, ხოლო მერიაში ამ უბნის წარმომადგენელმა პირად საუბარში ასეთი რამ უთხრა ოჯახს: რამეს მოგიხერხებთ.

Posted in საზოგადოება | Tagged , , , , , , , , , , , , , , , , , , , , , , , , , , , | 9 Comments

იესოს მსგავსი (ლუის ბერიოზაბალი)

                                                 თარგმანი  გ.წურწუმია   გ.ხასაია

ჩემთვის ვიყავი
მოვიდნენ და ხელი ჩამავლეს
თავისუფალ კაცს
უფლება ამყარეს
მაგრამ მეტი ვარ ვიდრე კაცი.
წმინდა სული ვარ
როგორც იესო,
ყოვლისშემძლე მაღალი ღმერთი .
რატომ უნდა დაფაროს
ერთი მილი
კაცმა სენდვიჩის დასათრევად?

მე თხუთმეტის გავლა მომიხდა.
ჩემი ვინაობის გათვალისწინებით
ფული არც უნდა გამომართვათ.
ღმერთი ვარ თქვენი დედა მოვტყან
დამიჩოქეთ  და ილოცეთ
სულს ამოგხდით თქვე ნაძირლებო
ცოდვილებო
თქვენს გამო ვარ აქ.

Posted in არტი, თარგმანები | Tagged , , , , , | 3 Comments

ირიბი მოქმედების კიბერ-თეატრი

მათ არაფერი აკავშირებთ „მაღალ“ კულტურასთან, გაქსუებულ ხელოვანებთან. ეძებენ სექსის და პოლიტიკის კვალს კედლებზე, ყვირიან ღამის ქალაქში, მღერიან ისე, რომ გაიგოს მთელმა უბანმა, დადიან წყალზე, მათ ენა არ აქვთ, უფრო სწორედ ისედაც აქვთ, უფრო სწორად ასე ათავებენ. ალბათ ნახავდით, როგორ დგანან ყველა შემოსასვლელ-გასასვლელთან და ურიგებენ იარაღს მშიერ-მწყურვალთ. ქუთაისში პოეტური პერფორმანსეის კეთების პარალელურად ამ რამდენიმე ხნის წინ არტისტებმა (გიორგი ხასაია. გიორგი წურწუმია. ვაკო ნაცვლიშვილი. მირიან გორგოძე. ლევან ბიბილეიშვილი) ირიბი მოქმედების კიბერ-თეატრი გააკეთეს. გთავაზობთ ინტერვიუს – გიორგი ხასაიასთან.

Continue reading

Posted in არტი, ინტერვიუ, პოლიტიკა | Tagged , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , , | 31 Comments

მე ნაძირალა ვარ (ვალერი ნუგატოვი)

            მე ნაძირალა ვარ

(თარგმანი – გ.ხასაია   გ.წურწუმია)

მე ნაძირალა ვარ მე  სალახანა ვარ მე არამზადა ვარ
მე თვალთმაქცი ვარ მე ცბიერი ვარ მე გულჩათხრობილი ვარ მე საძაგელი ვარ
მე ახირებული ვარ მე ბუტია ვარ მე აუტანელი ვარ მე ქედმაღალი ვარ
მე მუდამ უკმაყოფილო ვარ მე პირქუში ვარ მე ავი ვარ მე გაბრაზებული ვარ მე აგრესიული ვარ
მე ეჭვიანი ვარ მე მეწვრილმანე ვარ მე ძუნწი ვარ მე ურცხვი ვარ მე უხამსი ვარ
მე ჩაკეტილი ვარ მე უკარება ვარ მე არაკომუნიკაბელური ვარ მე ფიცხი ვარ მე საზიზღარი ვარ
მე უცნაური ვარ მე თავშეუკავებელი ვარ მე ენაბლუ ვარ მე ძველმოდური ვარ
მე ბიწიერი ვარ მე გაფუჭებული ვარ მე გარყვნილი ვარ მე ცინიკური ვარ მე ავხორცი ვარ
მე ეგოისტი ვარ მე ანგარებიანი ვარ მე თვითმოყვარე ვარ მე ამპარტავანი ვარ მე ხარბი ვარ მე საშინელი ვარ
მე გულქვა ვარ  მე უგულო ვარ მე სასტიკი ვარ მე უნამუსო ვარ მე უტიფარი ვარ
მე ნერვული ვარ მე ფეთქებადი ვარ მე უსამართლო ვარ მე შურიანი ვარ
მე დაკარგული ვარ მე დაღუპული ვარ მე უიმედო ვარ Continue reading
Posted in არტი, თარგმანები | Tagged , , , , , , , , , , , | 2 Comments